Jeremiah 23

Ukubuya kwabaseleyo

1Maye kubelusi abachitha behlakaza izimvu zedlelo lami! ^a itsho iNkosi. 2Ngakho itsho njalo iNkosi, uNkulunkulu kaIsrayeli, imelene labelusi abelusa abantu bami: ^b Lizihlakazile izimvu zami, lazixotsha, kalizethekelelanga. Khangelani, ngizaphindisela phezu kwenu ^c ububi bezenzo zenu, ^d itsho iNkosi. 3Mina-ke ngizabutha insali yezimvu zami ^e iphume kuwo wonke amazwe lapho engizixotshele khona, ^f ngizibuyise futhi esibayeni sazo; njalo zizazala, zande. ^g 4Ngizamisa phezu kwazo abelusi abazazelusa; ^h njalo kazisayikwesaba, kaziyikutshaywa luvalo, kaziyikulahleka, itsho iNkosi.

5Khangela, insuku ziyeza, ^{i , j} itsho iNkosi, lapho engizavusela uDavida iHlumela elilungileyo; ^k njalo iNkosi izabusa ^l iphumelele, ^m izakwenza isahlulelo lokulunga emhlabeni. ⁿ 6Ensukwini zalo uJuda uzasindiswa, loIsrayeli ahlale ^o evikelekile. ^p Njalo leli libizo layo ezabizwa ngalo: INkosi ^q Ukulunga Kwethu. ^r

7Ngakho khangela, ^s insuku ziyeza, ^t itsho iNkosi, lapho abangasayikuthi: Kuphila kweNkosi, eyabakhuphula abantwana bakoIsrayeli elizweni leGibhithe. 8Kodwa: Kuphila kweNkosi eyakhuphula eyaletha inzalo yendlu kaIsrayeli isuka elizweni lenyakatho lakuwo wonke amazwe engangiyixotshele khona. ^u Njalo bazahlala elizweni lakibo.

Abapristi bamanga

9Mayelana labaprofethi: Inhliziyo yami yephukile ngaphakathi kwami; ^v amathambo ami wonke ayathuthumela; ^w nginjengesidakwa, lanjengomuntu owehlulwe liwayini, ngenxa yeNkosi, langenxa yamazwi obungcwele bayo. ^x 10Ngoba ilizwe ligcwele izifebe; ^y ngoba ngenxa yesiqalekiso ^z ilizwe liyalila; ^aa amadlelo enkangala ^ab omile, ^ac lokuhamba kwabo kubi, lamandla abo kawaqondanga. 11Ngoba lomprofethi lompristi kabamesabi uNkulunkulu; ^ad ngitsho endlini yami ngitholile ububi babo, ^ae itsho iNkosi. 12Ngakho indlela yabo izakuba kibo njengezindlela ezitshelelayo ^af emnyameni; ^ag bafuqelwa phansi, bawele kuyo; ngoba ngizabehlisela okubi ngomnyaka wokuhanjelwa kwabo, ^ah itsho iNkosi. 13Ngibonile-ke ubuwula kubaprofethi ^ai beSamariya; ^aj baprofetha ngoBhali, ^ak baduhisa abantu ^al bami uIsrayeli. 14Kodwa kubaprofethi beJerusalema ngibonile into eyesabekayo; ^am bayafeba, ^an bahambe emangeni, ^ao baqinisa izandla zabenzi bobubi ^ap ukuze bangaphenduki ngulowo ebubini bakhe; bonke sebenjengeSodoma ^aq kimi, labakhileyo bayo njengeGomora. ^ar

15Ngakho itsho njalo iNkosi yamabandla mayelana labaprofethi: ^as Khangela, ngizabadlisa ^at umhlonyane, ^au ngibanathise ^av amanzi enyongo; ^aw ngoba kusukela kubaprofethi beJerusalema ukungamesabi uNkulunkulu kuphumele ilizwe lonke. 16Itsho njalo iNkosi yamabandla: Lingalaleli amazwi abaprofethi abaprofetha kini; balenza libe yize; bakhuluma umbono wenhliziyo yabo, ^ax hatshi ovela emlonyeni weNkosi. 17Baqhubeka besithi kwabangidelelayo: INkosi ithe: Lizakuba lokuthula; ^ay njalo bathi kuye wonke ohamba ngenkani yenhliziyo yakhe: Ububi kabuyikukwehlela. ^az

18Ngoba ngubani omi kucebo leNkosi, ^ba wabona wezwa ilizwi layo? Ngubani oqaphelise ilizwi lakhe, walizwa? 19Khangela, isivunguzane seNkosi, ulaka luphumile, ^bb ngitsho isivunguzane esibuhlungu; ^bc sizakwehlela ngamandla phezu kwekhanda labakhohlakeleyo. ^bd 20Ulaka lweNkosi kaluyikuphenduka, ^be ize yenze, njalo ize iqinise iminakano yenhliziyo yayo. Ekucineni kwezinsuku lizakuqedisisa lokukuqedisisa. ^{bf , bg}

21Kangibathumanga lababaprofethi, ^bh kanti bona bagijima; kangikhulumanga labo, kanti bona baprofetha. 22Kodwa uba bebemi kucebo lami, ^bi ngabe benza abantu bami bezwa amazwi ami, ngabe babaphendula endleleni yabo embi ^bj lebubini bezenzo zabo. ^bk 23NginguNkulunkulu oseduze yini, itsho iNkosi, njalo hatshi uNkulunkulu okhatshana? ^bl 24Ukhona yini ongacatsha endaweni ezisithekileyo ^bm ukuze ngingamboni? ^bn itsho iNkosi. Kangigcwalisi yini amazulu lomhlaba? ^bo itsho iNkosi. 25Ngizwile ukuthi abaprofethi batheni, abaprofetha amanga ebizweni lami ^bp besithi: Ngiphuphile, ngiphuphile! ^bq

26Koze kube nini kusenhliziyweni yabaprofethi abaprofetha amanga? ^br Yebo, bangabaprofethi benkohliso yenhliziyo yabo; ^bs 27abacabanga ukwenza abantu bami bakhohlwe ibizo lami ngamaphupho abo abawalandisa ngulowo umakhelwane wakhe, ^bt njengaboyise bakhohlwa ibizo lami ngenxa kaBhali. ^bu 28Umprofethi olephupho, kalilandise iphupho; ^bv lolelizwi lami, kalikhulume ilizwi lami ngeqiniso. Amahlanga ayini lamabele? itsho iNkosi. 29Ilizwi lami kalinjalo njengomlilo yini, ^bw itsho iNkosi, lanjengesando esiqhekeza idwala libe yizicucu? ^bx 30Ngakho khangela, ngimelene labaprofethi, ^by itsho iNkosi, abeba amazwi ami, ngulowo kumakhelwane wakhe. 31Khangela, ngimelene labaprofethi, itsho iNkosi, abasebenzisa ▼

▼ abasebenzisa: Heb  abathatha.

ulimi lwabo, bathi: Ithi. 32Khangela, ngimelene labaprofetha amaphupho amanga, ^ca itsho iNkosi, bawalandisa, baduhise abantu bami ngamanga abo, ^cb langokuwalazela kwabo, ^cc kanti mina ngingabathumanga, ^cd ngingabalayanga; ngakho kabayikubasiza ngitsho ngalutho lababantu, itsho iNkosi. 33Lalapho lababantu, loba umprofethi, kumbe umpristi, ^ce bekubuza, besithi: Uyini umthwalo weNkosi? ^cf Khona uzakuthi kibo: Umthwalo bani? Ukuthi ngizalidela, ^cg itsho iNkosi. 34Mayelana lomprofethi, lompristi, labantu, ^ch abazakuthi: Umthwalo weNkosi; ^ci ngizamjezisa lalowomuntu lendlu yakhe. 35Lizakhuluma ngalindlela, ngulowo kumakhelwane wakhe, langulowo kumfowabo: INkosi iphendule yathini? ^cj Lokuthi: INkosi ikhulumeni? 36Kodwa umthwalo weNkosi kalisayikukhuluma ngawo. Ngoba ilizwi langulowo lalowomuntu lizakuba ngumthwalo wakhe, ngoba liwahlanekele amazwi kaNkulunkulu ophilayo, ^ck iNkosi yamabandla, uNkulunkulu wethu. 37Uzakutsho ngokunjalo kumprofethi: INkosi ikuphenduleni? ^cl njalo: INkosi ikhulumeni? 38Kodwa uba lisithi: Umthwalo weNkosi; ngakho itsho njalo iNkosi: Ngoba likhuluma lamazwi okuthi: Umthwalo weNkosi; njalo ngithumele kini ngisithi: Lingabokuthi: Umthwalo weNkosi; 39ngakho khangelani, mina ngizalikhohlwa ngokupheleleyo, ^cm ngitshiye lina lomuzi engalinika wona laboyihlo, ^cn lisuke ebusweni bami. 40Njalo ngizabeka phezu kwenu ihlazo elilaphakade lokuyangeka okulaphakade, ^co okungayikukhohlakala.